धनगढी । सुदूरपश्चिम प्रदेशको नीति तथा योजना आयोगका उपाध्यक्ष गणेश विक र सरकारका मुख्य न्यायाधिवक्ता चन्द्रबहादुर शाहीले पदबाट राजीनामा दिएका छन् ।
प्रदेशमा सरकार फेरबदलसँगै दुवै जनाले पदबाट राजीनामा दिएका हुन् ।
निवर्तमान मुख्यमन्त्री दीर्घबहादुर सोडारी नेतृत्वको सरकारले असार ३ गते विक र शाहीलाई क्रमशः आयोगका उपाध्यक्ष र मुख्य न्यायाधिवक्तामा नियुक्त गरेको थियो ।
दुवै जनाले हिजो नै मुख्यमन्त्री कमलबहादुर शाहलाई राजीनामा पत्र बुझाएको मुख्यमन्त्रीको निजी सचिवालयले जनाएको छ ।
वर्तमान सरकारले मुख्य न्यायाधिवक्ता सम्भवतः आजै नियुक्त गर्न सक्ने बताइएको छ ।
