धनगढी । युवा सर्जक रोहित रजक को शब्द तथा सङ्गीत रहेको नयाँ नेपाली प्रेमिल गीत ‘जुनेली रात’ सार्वजनिक भएको छ। एनआर म्युजिकमार्फत सार्वजनिक गरिएको गीतको आधिकारिक म्युजिक भिडियो युट्युबमा रिलिज गरिएको हो।
गीतमा गायक नितेश बीके ले स्वर दिएका छन्। प्रेम र भावनात्मक अनुभूतिलाई समेटिएको गीतका शब्द तथा सङ्गीत रोहित रजकले सिर्जना गरेका हुन्। गीतको संगीत संयोजन निरज रास्कोटी ले गरेका छन् भने गितारमा ज्याकुब आरबीडी र ब्याक भोकलमा सुनील बस्याल को साथ रहेको छ।
सार्वजनिक म्युजिक भिडियोमा दिपिशा बीसी र सन्देश सुनार को अभिनय देख्न सकिन्छ। प्रेम कथामा आधारित भिडियोले युवापुस्ताको भावना र सम्बन्धका विविध पक्षलाई कलात्मक ढंगले प्रस्तुत गरेको छ।
पछिल्लो समय गीत–सङ्गीत क्षेत्रमा सक्रिय रहँदै आएका रोहित रजकले ‘जुनेली रात’ मार्फत आफ्नो सिर्जनात्मक क्षमता पुनः प्रस्तुत गरेका छन्। विशेषगरी गीतका शब्द र मिठासपूर्ण सङ्गीतले श्रोतालाई आकर्षित गर्ने विश्वास गरिएको छ। सार्वजनिक भएको छोटो समयमै गीतले दर्शक–श्रोताबाट सकारात्मक प्रतिक्रिया प्राप्त गर्न थालेको छ।
सर्जक रोहित रजकका अनुसार नेपाली गीत–सङ्गीतमा मौलिकता र भावनात्मक गहिराइ प्रस्तुत गर्ने उद्देश्यले ‘जुनेली रात’ तयार गरिएको हो। गीतले प्रेमिल संगीत रुचाउने श्रोतामाझ राम्रो स्थान बनाउने अपेक्षा गरिएको छ।
‘जुनेली रात’ को म्युजिक भिडियो हाल एनआर म्युजिकको आधिकारिक युट्युब च्यानलमार्फत हेर्न र सुन्न सकिनेछ।
