काठमाण्डौं –शेयर बजार लगातार दोस्रो दिन घटेको छ ।
शेयर बजार परिसूचक नेप्से आज २६ दशमलव ०५ अङ्कले घटेर २ हजार ६ सय ७२ दशमलव ३९ विन्दुमा झरेको छ ।
आज व्यापार बाहेक सबै समूहको शेयर घटेकोमा फाइनान्स समूहको शेयर सबैभन्दा धेरै २ दशमलव २९ प्रतिशतले ओरालो लागेको छ ।
आज २ सय १२ वटा कम्पनीको शेयर घटेकोमा ४२ वटाको बढेको छ । यस्तै ६ वटा कम्पनीको शेयर घटबढ भएको छैन ।
आज मायाखोला हाइड्रोपावर कम्पनीको शेयर सबैभन्दा धेरै ५ दशमलव ४० प्रतिशतले घटेको छ । समग्रमा बजार घटेको दिन खानीखोला हाइड्रोपावर कम्पनीको शेयर झन्डै १० प्रतिशतले बढेको छ ।
आज नेप्सेसँगै कारोबार रकम पनि घटेको छ । हिजो ११ अर्ब ६५ करोडको कारोबार भएकोमा आज ३ सय २४ वटा कम्पनीका २ करोड ६७ लाख कित्ता शेयर १० अर्ब ७७ करोड रुपैयाँमा किनबेच भएको छ ।
