काठमाण्डौं । काठमाण्डौंको बानेश्वर लगायतका क्षेत्र आज दिनभरि तनाव ग्रस्त बन्यो ।
सामाजिक सञ्जाल बन्दको विरोधमा उत्रिएका जेनजीहरूको प्रदर्शनका प्रहरीले हस्तक्षेत्र गरेपछि स्थिति तनावग्रस्त बनेको हो ।
प्रदर्शनको क्रममा प्रहरीले चलाएको गोली लागेर काठमाडौं उपत्यकामा १६ जनाको मृत्यु भएको छ भने अन्य धेरै जना घाइते भएका छन् । घाइतेहरूको काठमाण्डौं उपत्यकाका विभिन्न अस्पतालमा उपचार भइरहेको छ ।
प्रहरीको गोली लागेर सहकर्मीको मृत्यु भएपछि जेनजीहरू थप आक्रोशित भएका छन् । उनीहरूले बानेश्वरस्थित संसद् भवन अगाडिका सडक नै कब्जा गरेर दिनभरि नै प्रदर्शन गरे ।
प्रदर्शनलाई दमन गर्न प्रहरीले दर्जनौं गोली चलायो भने अश्रुग्यास पनि प्रहार गर्यो । तर, पनि प्रदर्शनकारीहरूले सडक कब्जा गरिरहे ।
त्यसपछि भने जिल्ला प्रशासन कार्यालय काठमाडौंले कर्फ्यू जारी गर्यो । तर, पनि प्रदर्शन रोकिएन । प्रदर्शन थप चर्किँदै गयो । प्रहरीले प्रदर्शनकारीलाई मुख्य सडकबाट धपाउन बल प्रयोग गर्यो ।
अहिले साँझपखदेखि भने प्रदर्शनकारीहरूले भित्री सडकमा पनि प्रदर्शन सुरु गरेका छन् ।
जेनजीहरूको प्रदर्शनका कारण काठमाण्डौंको बानेश्वर आसपासको भित्री सडक तनावग्रस्त बनेको छ ।
