सुनसरी – रामधुनी नगरपालिका–७ चतरा–कान्छी चोक सडकखण्डमा मोटरसाइकल दुर्घटना हुँदा बाबुछोरासहित तीनजनाको ज्यान गएको छ ।
अरू दुई जना गम्भीर घाइते भएका छन् । को ३३ प ९६०५ नम्बरको मोटरसाइकल र प्रदेश १–०२–०५६ प ५८६४ नम्बरको मोटरसाइकल एकआपासमा ठक्कर खाँदा बाबुछोरासहित तीन जनाको ज्यान गएको हो ।
दुर्घटनामा ३४ वर्षीय इनर्चन चौधरी, उनका नौ वर्षीय छोरा प्रनिष र अर्का मोटरसाइकल चालक ५१ वर्षीय बिन्दु यादवको ज्यान गएको सुनसरी प्रहरीले जनाएको छ । घाइते दुईजनाको बीपी कोइराला स्वास्थ्य विज्ञान प्रतिष्ठानमा उपचार भइरहेको छ । रासस
