धनगढी – धनगढीको पार्क मोडमा आज अन्तर्राष्ट्रिय भ्रष्टाचार विरुद्धको दिवसका अवसरमा दीप प्रज्वलन गरिएको छ।
ट्रान्सपेरेन्सी इन्टरनेसनल संस्थासँग आबद्ध संस्था सदाचारका लागि सामाजिक पहलले धनगढीमा दीप प्रज्वलन गरेको हो।
देशमा बढ्दै गइरहेको भ्रष्टाचारका विरुद्ध एकजुट हौ भन्ने नाराका साथ आज दीप प्रज्वलन गरेर सदाचारको पक्षमा र भ्रष्टाचारको विरुद्धमा एकेबद्धता जनाइएको संस्थाका सचिव गगनराज घिमिरेले जानकारी दिएका छन्।
७० जना सहभागी रहेको दीप प्रज्लन कार्यक्रमको अध्यक्षता का अध्यक्ष दिनेश पाण्डेयले गरेका थिए।
दीप प्रज्लन कार्यक्रममा मन्तव्य राख्दै संस्थाका सल्लाहकार सदस्य तथा ऐश्वर्य बहुमुखी क्याम्पसका प्राध्यापक रघुवीर भट्टले नेपाल भ्रष्टाचारको जोखिममा रहेको र त्यसका विरुद्ध युवा विद्यार्थीले आवाज उठाउनुपर्ने बताएका छन्।
प्राध्यापक भट्टले समाज परिवर्तन र सुशासनका लागि विद्यार्थी शिक्षक समाजसेवी सम्पूर्णले हातेमालो गर्नुपर्ने बताए।
उक्त कार्यक्रमको सञ्चालन संस्थाका सचिव गगनराज घिमिरेले गरेका थिए।
