बर्दिया — बर्दिया राष्ट्रिय निकुञ्जमा हात्तीले आक्रमण गर्दा एक जनाको ज्यान गएको छ । अर्का एक जना घाइते भएका छन् ।
सोमबार दिउँसो फुटकी टिप्न गएका ठाकुरबाबा नगरपालिका–२ तेरनीका करिब ५२ वर्षीय शिव प्रसाद थारुलाई हात्तीले आक्रमण गर्दा मृत्यु भएको बर्दिया निकुञ्जका सहायक संरक्षण अधिकृत पुरुषोत्तम वाग्लेले बताए ।
उक्त घटनामा ठाकुरबाबा–२ का २५ वर्षीय विश्राम थारु घाइते भएको उनले बताए।
उनलाई उपचारका लागि नेपालगन्ज लगिएको छ । उनीहरु संग गएका ४/५ जना भागेर ज्यान जोगाएको निकुञ्जको मुख्यालय ठाकुरद्वाराले जनाएको छ ।
विगत केही समययता बर्दिया निकुञ्ज र मध्यवर्ती क्षेत्रमा हात्तीको ठुलो समूह ओहोर, दोहोर गर्ने गरेका छन् ।
