भरतपुर । गैंडाको आक्रमणबाट एक जना घाइते भएका छन् ।
चितवन माडी नगरपालिका वडा नम्बर ८ शिवद्वारस्थित मगर होम स्टेमा काम गर्ने क्रममा साइँला भन्ने ४० वर्षीय मिलन लामालाई गैंडाले आक्रमण गरेको हो ।
स्थानीय रामचन्द्र ढकालको खेतमा काम गर्ने क्रममा बुधबार बिहान ३ः३० बजे गैंडाले आक्रमण गरेको हो ।
चितवनका प्रहरी नायब उपरीक्षक भेषराज रिजालले घाइते लामाको माडी अस्पतालमा उपचार भइरहेको जानकारी गराए ।
गैंडाको आक्रमणबाट लामाको छातिको बायाँपट्टि गहिरो चोट छ । सिन्धुली घर भई भएका लामा माडी नपा ८ शिवद्वारस्थित मगर होमिस्टेमा काम गर्दै आएका छन् ।
