धनगढी – अखिल (क्रान्तिकारी) ऐश्वर्य बहुमुखी क्याम्पस कमिटीले उद्घोषण तालिमको आयोजना गरेको छ।
आज आइतबारबाट कमिटीको आयोजनामा सुरुवात भएको ‘४ दिने व्यक्तित्व विकास तथा उद्घोषण तालिम’ पौष २४ गतेसम्म चल्नेछ।
तालिमबाट ऐश्वर्य बहुमुखी क्याम्पसका विद्यार्थीहरूको बोल्ने क्षमताको विकास, आत्मविश्वास र सकारात्मक सोचको विकास हुने अखिल (क्रान्तिकारी) ऐश्वर्य बहुमुखी क्याम्पस कमिटीका अध्यक्ष विकास बिष्टले बताएका छन्।
अखिल (क्रान्तिकारी) ऐश्वर्य बहुमुखी क्याम्पस कमिटीको आयोजनामा भइरहेको उक्त कार्यक्रमको सहकार्यमा राधाकृष्ण मिडिया नेटवर्क प्राली, धनगढी रहेको छ।
तालिमको प्रशिक्षकका रूपमा सुदर्शन टेलिभिजनका सम्पादक गिरिजा प्रसाद पनेरु रहेका छन्।
