न त निर्मला पन्तले न्याय पाईन्
न त विपिन जोशिले पायो
तिमीलाई थाहा छदैछ
सुन काण्ड कहाँ हरायो ?
तिमी काम गर्न सक्दैनौं सरकार
तिमी राजिनामा देउ !
काठमाडौको ठाउँमा बाढी पहिरो पस्नु
गुहार माग्दै घरको छतमाथि बस्नु
त्यहीँ बेलामा तिमी अमेरिका पस्नु
न तिमी जनताको भोक बुझ्न सक्छौ
न त तिमी जनताको पीडा बुझ्न सक्छौ
तिमी काम गर्न सक्दैनौं सरकार
तिमी राजिनामा देउ !
सरकारी स्कुलमा कम्प्युटर पुगेको छ अरे
विद्यार्थीलाई कम्पुटरको स्पेलिङ आउदैन
सरकारी स्कुलमा पानी पुगेको छ अरे
विद्यार्थीलाई पानीलाई अङ्ग्रेजीमा के भन्छन् थाहा छैन
तिमी काम गर्न सक्दैनौं सरकार
तिमी राजिनामा देउ !
तिमीसँग बौदिकता छ, नैतिकता छैन
नैतिकता नभएकाले नेतृत्व गर्दा
देश मसानघाट बन्छ
लाखौं सेना मारिनुपर्छ
हजारौं विदेश चहारिनुपर्छ
आफ्नै आखा अगाडि कालापानि लिम्पियाधुरा
भारतको नक्सामा देख्नुपर्छ
भारतले सिमाना मिच्छ र हाम्रै दाजुभाइलाई गोलि हान्छ
तर लाचार भएर हामीले नै घुडा टेक्नुपर्छ
तिमी काम गर्न सक्दैनौं सरकार
तिमी राजिनामा देउ !
सर्जक : झरना के. सी
ठेगाना : दाङ
हाल : काठमाडौं
