धनगढी –धनगढीमा विभिन्न कार्यक्रम गरी विश्व फार्मासिष्ट डे मलाईएको छ।
नेपाल फार्मेसी सङ्घ सुदूरपश्चिम प्रदेशले हिजो र आज विभिन्न कार्यक्रम गरी विश्व फार्मासिष्ट डे मनाएको हो।
फार्मासिष्ट डेका अवसरमा आज बिहान नेपाल फार्मेसी सङ्घ सुदूरपश्चिम प्रदेशद्वाराद्वारा राम जानकी मन्दिरमा पूजापाठ कार्यक्रम गरिएको नेपाल फार्मेसी सङ्घका केन्द्रीय सदस्य तथा कार्यक्रम संयोजक नवीन धामीले बताएका छन्।
त्यस्तै आज विभिन्न फार्मेसी पेशागत संगठन र भागेश्वर एकेडेमीको आयोजनामा भागेश्वर एकेडेमी, सेती प्रादेशिक अस्पताल, वडा प्रहरी कार्यालय हुँदै पार्कसम्म र्याली निकालिएको संयोजक धामीले बताएका छन्।
नेपाल फार्मास्यूटिकल एसोसिएसन सुदूरपश्चिम प्रदेशको आयोजनामा धनगढीमा रहेको रेडक्रसमा रक्तदान कार्यक्रम गरिएको छ । रक्तदान कार्यक्रममा ३० पिन्ट रगत सङ्कलन भएको नेपाल फार्मास्यूटिकल एसोसिएसन सुदूरपश्चिमका सचिव महा ओमराज जोशीले बताएका छन्।
त्यस्तै हिजो दिवसको पूर्वसन्ध्यामा धनगढीमा रहेको आसरा सुधार केन्द्रमा रहेका २५ जनाभन्दा बढीलाई फार्मासिस्ट महेश अर्यालले
औषधिको सकारात्मक र नकारात्मक असर, लागूऔषध भनेको के हो ? लगायतको जानकारी प्रदान गरेका छन्।
उक्त कार्यक्रममा न्युरो साइकाईट्रिक डाक्टर रामप्रसाद लामिछानेको काउन्सेलिङ सेसन रहेको थियो।
सङ्घले आज साइनो एजुकेसनमा अन्तरक्रिया कार्यक्रम पनि गरेको छ भने आमाको माया छात्रवासमा शुभकामना आदानप्रदान, आरती र रात्रिकालीन भोजन गरेर कार्यक्रमको समापन गरिएको कार्यक्रम नेपाल फार्मेसी सङ्घका केन्द्रीय सदस्य तथा कार्यक्रम संयोजक नवीन धामीले बताएका छन्।
