धनगढी – साविक विजेता भारतलाई हराउँदै एसीसी टी–२० महिला एसिया कपको उपाधि श्रीलंकाले जितेको छ।
आयोजक श्रीलंकाले आइतबार डम्बुला क्रिकेट रंगशालामा भारतलाई ८ विकेटले पराजित गरेको हो। संयोग कस्तो छ भने अघिल्लो संस्करणको उपाधि श्रीलंकालाई हराएर ८ विकेटले नै हराएर भारतले जितेको थियो।
टस जितेर ब्याटिङ रोजेको भारतले ६ विकेटको क्षतीमा सबै ओभर खेलेर १६५ रन जोडेको थियो। भारतका लागि स्मृति मन्धनले सर्वाधिक ६० रनको योगदान दिइन्। ४७ बल खेलेकी उनले १० चौका प्रहार गरेकी थिइन्।
भारतले दिएको १६६ रनको लक्ष्य दुई विकेटको क्षतीमा ८ बल बाँकी छँदै पुरा गरेको हो। श्रीलंकाका लागि हर्षिता समरविक्रमाले अविजित ६८ रन जोडिन। श्रीलंकाली कप्तान ए। अमरीले दुई छक्का सहित ६१ रन जोडेकी थिइन्।
एसिया कपमा समूह चरणबाट बाहिरिएको नेपालले युएईलाई ६ विकेटले पराजित गरेको थियो। भारत र पाकिस्तानसँग भने नेपाल पराजित भएको थियो।
