धनगढीःकैलालीमा एक लाख बढीको भन्सार छलीका सामान बरामद गरिएको छ।
धनगढी उपमहानगरपलिका–२ सिशापोष्ट नजिक र गोदावरी नगरपलिका–४ नदेबीबाट अबैंध रुपमा भारतबाट भन्सार छली गरि ल्याएका अन्दाजी मूल्य १ लाख २१ हजार ६८० बराबरको सामान बरामद गरिएको हो।
उक्त स्थानबाट चिनी, मिश्री, मिठाई, बेसनको पिठो, पानीपुरी, सुटपिस, स्विटर, दोपट्टा, प्लाजु, मेक्सि लगायतका सामान जिल्ला प्रहरी कार्यालय कैलाली र इलाका प्रहरी कार्यालय मालाखेतीबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको छ।
