धनगढीः कैलालीको गोदावरीमा टिपरको ठक्करबाट २ जना बालिका घाइते भएका छन्।
जिल्लाको गोदावरी नगरपालिका–१ मा आज बिहान ६ः४५ बजे चालक लम्कीचुहा नगरपालिकाका ३५ वर्षीय समिर चौधरीले चलाएको ना १ ख २७४ नम्बरको टिपरको ठक्करबाट साइकलमा सवार रहेका दुई बालिका घाइते भएका हुन्। घाइते हुनेमा गोदावरी नगरपालिका–१ बस्ने १६ वर्षीया सिता बुढा र बाटु नेपाली रहेका छन्।
यी दुबै जना बालिकाको अत्तरिया अस्पताल अत्तरियामा उपचार भइरहेको प्रहरीले जनाएको छ। टिपर इलाका प्रहरी कार्यालय मालाखेतीको नियन्त्रणमा रहेको छ भने चालक फरार रहेका छन्। फरार रहेका चालकको खोजी भइरहेको इलाका प्रहरी कार्यालय मालाखेतीले जनाएको छ।
