काठमाडौं ।नेपाल प्रिमियर लिग (एनपीएल)मा आज भइरहेको विराटनगर किंग्स र चितवन राइनोजबीचको खेलमा एकै बलमा १५ रनको कीर्तिमान बनेको छ । विराटनगरका बसिर अहमदले एकै बलमा १५ रन बनाउन सहयोग गरे । एनपीएलमा यो अनौंठौ कीर्तिमान हो ।
चितवन राइनोजका बलर अमर सिंह राउटेलाको ओभरमा विराटनगरले एकै बलमा १५ रन जोडेको हो ।
खेलको ११औं ओभरमा बलिङ गर्न आएका राउटेलाले सुरुआती तीन ओभर किफायती गरेका थिए । पाँच बलसम्म विराटनगरले जम्मा ९ रन जोडेको थियो ।
तर त्यसपछि अन्तिम बलमा जे भयो त्यो इतिहास बन्यो । राउटेलाको बलमा बसिरले छक्का हाने । उक्त बल ‘नो बल’ भयो । राउटेलाले फेरि बलिङ गर्नुपर्यो । त्यसमा बसिरले २ रन जोडे तर फेरि ‘नो बल’ भयो । ‘नो बल’ हुँदा कुल ३ रन आयो । राउटेलाले फेरि बल फाल्नुपर्यो । त्यो बल पनि ‘नो बल’ भयो तर बसिरले कुने रन लिएनन् । त्यसमा १ रन आयो ।
३ पटक ‘नो बल’ फालेपछि बल्ल चौथो प्रयासमा राउटेलाले लेगल डेलिभरी गरे । त्यसमा बसिरले चौका हान्दिए । यसरी एउटै बलका लागि राउटेलाले चार पटक बलिङ गर्नपुर्यो र त्यसैको फाइदा उठाएर विराटनगरले एकै बलमा १५ रन जोड्यो ।
राउटेलाले खेलमा एकै ओभर बलिङ गरे । त्यसमा महंगा सावित भए । त्यमसा पनि एकै बलमा ११ बल अतिरिक्तको रुपमा दिए । उनले एक ओभरमा कूल २२ रन खर्चेका थिए ।
विश्व क्रिकेटमा पनि नो बल हुँदा एकै बलमा धेरै रन बनेको धेरै उदाहरणहरु छन् ।
अष्ट्रेलियन बिग बास लिग (बीबीएल)मा एकै बलमा १६ रन बनेको उदाहरणसमेत छ । सिड्नी सिक्सर्सले होबार्ट हुरिकेन्स विरुद्ध एकै बलमा १६ रन जोडेको थियो ।
