धनगढी –गोदावरी नगरपालिकामा रहेको महिला तथा बालबालिका सेभ हाउसलाई ३० हजार धनराशि बराबरको सामग्री सहयोग गरिएको छ ।
गौरीगङ्गा नगरपालिका -१ चौमालामा रहेको पीसी कप्युटर एन्ड इन्स्टिच्युटले देउसी भैलो कार्यक्रम आयोजना गरेर संकलित ३० हजार रकम बराबरको लत्ता कपडा तथा खाद्यान्न सहयोग गरेको छ।
विगतको वर्षहरूमा पनि देउसी भैलो कार्यक्रममा आयोजना गरी रकम सङ्कलन गर्ने विभिन्न सामाजिक संस्थाहरू, विपन्न वर्ग, असहाय, अशक्तलाई सहयोग गर्दै आइरहेकोले मङ्गलबार उक्त सामग्री हस्तान्तरण गरिएको इन्स्टिच्युटका सञ्चालक प्रदेशु चौधरीले बताएका छन् ।
यस्ता कार्यले एकातिर संस्कृतिको जगेर्ना पनि भइरहने अर्कोतिर सामूहिक सामाजिक कार्यको बुलन्द उदाहरण बन्न सकिने भएकोले यस कुशल कार्यलाई पीसी कप्युटर एन्ड इन्स्टिच्युटसनले निरन्तरता दिइरहेको उनले बताएका छन् ।
