धनगढी –कञ्चनपुरमा लागूऔषधसहित एक पुरुष र महिला पक्राउ परेका छन्।
पुर्नवास नगरपालिका–३ आइबीआरडी बजारबाट कैलालीको धनगढी उपमहानगरपालिका–५ हसनपुरका ३१ वर्षीय अमित कुमार वर्णवार र कञ्चनपुरको बेलौरी नगरपालिका–२ टेडुवा बस्ने ४० वर्षीया सिता देवी चौधरी पक्राउ परेका छन्।
इलाका प्रहरी कार्यालय त्रिभूवनबस्ती, लागूऔषध नियन्त्रण व्युरो शाखा महेन्द्रनगर र अस्थायी प्रहरी पोष्ट आइबीआरडी कञ्चनपुरबाट संयुक्त रुपमा खटिएको प्रहरी टोलीले वर्णवारको साथबाट ११८ ग्राम ३६० मिलिग्राम लागूऔषध (खैरो हेरोइन) फेला पारी दुबैजनालाई नियन्त्रणमा लिएको हो।
