धनगढी –धनगढीमा रहेको मानवसेवा आश्रममा भोजन सेवा गरिएको छ।
शनिबार धनगढी ४ उत्तरवेणीमा बस्ने चन्द्रादेवी पनेरुले श्रीमानको पुण्यतिथिको सम्झनामा आश्रममा भोजन सेवा गराएकी हुन्।
पनेरुले स्वर्गीय श्रीमान जगन्नाथ पनेरुको आज परेकाे पुण्यतिथिको सम्झनामा आश्रममा बेलुकीकाे भाेजन सेवा र आश्रमकाे सेवा व्यवस्थापन कार्यका लागि नगद ५००० सहयोग गरेको आश्रमका कैलाली जिल्ला संयोजक लोकेन्द्र शाहले बताएका छन्।
मानव सेवा आश्रमले विगत १२ वर्षदेखि सडकमा जीवन बिताइरहेका सहयोगापेक्षी सडक मानवहरूको उद्धार र पुनर्मिलन गराउँदै आएको छ ।
हाल मानव सेवा आश्रम धनगढी ५ तारानगर र धनगढी १५ उर्मी दुई ठाउँबाट ६६ जना सहयोगापेक्षी सडक आश्रित बेवारिसे व्यक्तिहरूको सेवा दिँदै आइरहेको छ ।
कुनै पनि विदेशी सहयोग बिना नै आश्रम सञ्चालनमा भइरहेको कुरा र आफूले सक्दो सहयोग गरिदिनुहुन मानव सेवा संयोजक शाहले अनुरोध गरेका छन् ।
