काठमाडौं । बुढ्यौलीजन्य समस्याका कारण राष्ट्रपतिको प्रतिस्पर्धाबाट पछि हटेका अमेरिकी राष्ट्रपति जो बाइडेनले मञ्चमै रहेका भारतका प्रधानमन्त्री नरेन्द्र मोदीको नाम बिर्सिएका छन् ।
बाइडेनले शनिबार डेलावेयरमा क्वाड शिखर सम्मेलनपछि आयोजित कार्यक्रममा मोदीको नाम बिर्सिएका हुन्।
बाइडेन पाठेघरको मुखको क्यान्सरसँग सम्बन्धित एक कार्यक्रमलाई सम्बोधन गरिरहेका थिए ।
जब सम्बोधन सके, उनले मञ्चमा मोदीलाई बोलाउनुपर्ने थियो । तर उनी अल्मलिए । झण्डै ५ सेकेन्डसम्म उनले मोदीको नाम सम्झने प्रयास गरे तर सकेनन् ।
उनले मञ्चबाटै अफिसरलाई ठूलो स्वरमा सोधे( अब कसलाई बोलाउने रु
यसपछि त्यहाँ उपस्थित एक अफिसरले पीएम मोदीतर्फ संकेत गरे । लगत्तै मोदी कुर्सीबाट उठेर बाइडेनसँग हात मिलाउन पुगे । यसक्रममा दुवै नेता मुस्कुराएको भिडियो सामाजिक सञ्जाल र सञ्चार माध्यममा भाइरल भइरहेको छ ।
त्यतिबेला मञ्चमा मोदीसँगै अस्ट्रेलियाका प्रधानमन्त्री एन्थोनी अल्बानीज र जापानी प्रधानमन्त्री फुमियो किशिदा पनि उपस्थित थिए ।
सार्वजनिक स्थलमा नाम बिर्सनु बाइडेनका लागि नयाँ घटना भने होइन । उनले जुलाईमा सम्पन्न नेटो बैठकमा युक्रेनी राष्ट्रपति भ्लादिमिर जेलेन्स्कीलाई पुटिन भनेर बोलाएका थिए ।
यसअघि जुनमा सम्पन्न जी सेभेन बैठकमा सहभागी नेताहरूसँग प्याराग्लाइडिङ हेर्न सहभागी हुँदा उनी अर्को दिशामा हेरिरहेका थिए ।
त्यस्तै गत फेब्रुअरीमा आममाफी आरोप खण्डन गर्न आयोजित पत्रकार सम्मेलनमा उनले हमासको नाम नै भुलेका थिए ।
यस्तै घटनाहरूका कारण बाइडेनलाई राष्ट्रपतीय प्रतिस्पर्धाबाट बाहिरिन दबाब बढेसँगै जुलाईमा उनले राष्ट्रपति दौडबाट बाहिरिने निर्णय गरेका थिए ।
