बाजुरा ।बाजुराको त्रिवेणी नगरपालिकाले ग्रामीण सडक मर्मत सम्भारको काम सुरु गरेको छ ।
अविरल वर्षातका कारण बिग्रिएका ती सडकलाई दसैँ अगावै सञ्चालन हुने गरी पालिकाले ग्रामीण सडक मर्मत सम्भारको काम सुरु गरेको हो ।
त्रिवेणीका बाँगापाटा, कालापानी, झालगाउँ, तोली, छतारा लगायतको ठाउँमा वर्खाको समय भत्किएर अवरुद्ध बन्दै गएका सडक दसैँ अगाबै पुन सञ्चालनमा ल्याउने गरी यती बेला मर्मत सम्भारको काम सुरु गरिएको त्रिवेणी नगरपालिका वडा नं – २ का अध्यक्ष बीरबहादुर बिकले बताएका छन् ।
पहिरो गएको ठाउँमा सफाई गर्ने र भत्किएको ठाउँमा पनि ग्याबिन राख्ने तयारी भइरहेको छ । असोजको दोस्रो हप्ता सम्म यहाँका गाउँ बस्तीमा पुगेका सबै सडक पुन सञ्चालन ल्याउने गरी मर्मत सम्भारको काम तीब्र रुपमा भइरहेको उनले बताए ।
