धनगढी –बैतडीका मानबहादुर बिष्टको मलेसियामा निधन भएको छ।
जिल्लाको सुर्नया गाउँपालिका–२ ग्वानीका बिष्ट शुक्रवार काम सकेर साझँ कोठामा फर्केका थिए।
एक्कासी टाउको दुखेपछि साथीहरुले उनलाई अस्पताल लगेका थिए। उपचारको क्रममा राति १० बजे मानबहादुरको मृत्यु भएको जनाइएको छ ।
मलेसियाको अजम अर्मदा सेक्युरिटी कम्पनिमा कार्यरत मानबहादुरको शव पोस्टमार्टमका लागि अस्पतालमै राखिएको छ। आज आधा दिन कार्यालय खुला हुने भएका कारण पोस्टमार्टम हुन सकेको छैन।
आइतवार पनि विदा भएका कारण सोमवार मात्रै पोस्टमार्टम गरिने र अस्पतालले मृत्यु प्रमाणपत्र दिए पश्चात शव बुझिने जनाइएको छ।
त्यसपछि मात्रै शव नेपाल ल्याउने प्रक्रिया शुरु हुने बताइएको छ।
