धनगढी । धनगढीको एसपीए कलेजमा एसपीए फुड फियस्टा २०८१ मनाइएको छ ।
आज साउन १५ अर्थात खीर खाने दिनको अवसरमा एसपीएकाे कक्षा १२ मा एचएम सङ्कायमा अध्ययनरत विद्यार्थीहरूले उक्त कार्यक्रमको आयोजना गरेका हुन् ।
कार्यक्रममा विद्याथार्थीहरुले सांस्कृतिक पहिरन, सुदूरपश्चिमका स्थानीय खानाका परिकारहरू, खीर, बटुक, ढीक्री, हलुवा, आलु तामाको झोल, अचार, सेल, पुरी लगायतका विभिन्न जातीय भेसभुसा र खानपिनलाई समेट्ने गरी परीकारहरू बनाएर स्टल मार्फत विद्यार्थी, अभिभावक, शिक्षक शिक्षिका तथा कलेजका कर्मचारीहरू लाई सुपथ मूल्य राखी स्वाद चखाएर आफ्नो कला कौसल प्रस्तुत गरेका थिए ।
यस्तै विभिन्न सांस्कृतिक नृत्यसमेत प्रस्तुत गरिएको उक्त कार्यक्रममा खेलकुद गतिविधिका लागि पनि दुई स्टलमार्फत खेल खेलाइएको थियो । कक्षा १२ मा होटेल व्यवस्थापन सङ्कायमा अध्ययनरत छात्र रोहित रावलको सभापतित्वमा सम्पन्न एसपीए फुड फियस्टा २०८१ को प्रमुख अतिथि कैलाली उद्योग वाणिज्य सङ्घका वरिष्ठ उपाध्यक्ष पुष्करराज ओझा रहेका थिए ।
प्रमुख अतिथि ओझाले कार्यक्रममा बोल्दै एसपीए कलेज हरेक विधामा फरक अनि उत्कृष्ट रहेको र आज पनि यो साउन १५ खिर खाने दीन जस्तो सुभ अवसरमा आफ्नो संस्कृति र परीकारहरूको जगेर्ना गर्नु पर्छ भनी सन्देश प्रभाव गर्ने गरी आयोजना गरेको कार्यक्रममा सरिक भई विभिन्न स्थानीय परिकार चाख्न पाउँदा निकै खुसी लागेको बताए ।
