प्रधानमन्त्री केपी शर्मा ओलीले हमास समूहद्वारा बन्धक बनाइएका नेपाली विद्यार्थी बिपिन जोशीको शीघ्र रिहाइ सरकारको प्रमुख जिम्मेवारी भएको बताएका छन्।
उनकी आमा पद्मा र बहिनी पुष्पाले इजरायलस्थित नेपाली दूतावासको समन्वयमा इजरायली राष्ट्रपति आइज्याक हर्जोग र संसद अध्यक्ष अमिर ओहानासँग भेटी बिपिनको रिहाइका लागि पहल गर्न आग्रह गरेको बताउँदै, यसअघि टर्कीका राष्ट्रपति रेसेप तैयप एर्दोगान र इजिप्टका राष्ट्रपति अब्देल फत्ताह सइद हुुसैन खालिलसँग आफूले फोनमार्फत कुरा गर्दै बिपिनको मामिलामा ध्यानाकर्षण गराएको उल्लेख गरेका छन् ।
प्रधानमन्त्री ओलीका अनुसार बिपिनको सुरक्षा र शीघ्र रिहाइ सुनिश्चित गर्न परराष्ट्र मन्त्रालय खाडी क्षेत्रका दूतावासमार्फत निरन्तर पहल गरिरहेको छ। प्रधानमन्त्री ओलीले इजरायलमा सहयोग गरिरहेका नेपाली, स्थानीय नागरिक, पत्रकार, सुरक्षाकर्मी र सामाजिक अभियन्ताप्रति धन्यवाद व्यक्त गर्दै बिपिनको परिवारसँग सरकार सधैं साथमा रहेको स्पष्ट पारे।
