काठमाण्डौँ :राजसंस्था पुनःस्थापनाका लागि गठित संयुक्त जनआन्दोलन समितिका संयोजक नवराज सुवेदीले राजसंस्था पुनःस्थापना गर्न चाहने शक्तिहरु एकजुट भएको बताएका छन्।
सोमवार काठमाण्डौँमा राष्ट्रिय प्रजातन्त्र पार्टीले आयोजना गरेको विरोध प्रदर्शनलाई सम्बोधन गर्दै उनले यस्तो बताएका हुन्।
उनले टुटफुटको अवस्थामा रहेका राजावादीहरू आवश्यक पर्दा एकजुट भएर लाग्ने गरेको बताए। उनले राजसंस्थामा आस्था राख्ने सबै शक्तिहरू एकताबद्ध भएर आन्दोलनमा उत्रिएको दावी गरे।
उनले राजसंस्था, हिन्दु राष्ट्र तथा बहुदलीय प्रजातन्त्रका लागि सबै शक्तिहरूलाई आआफ्नो ठाउँबाट लाग्न आह्वान गरे। देशका लागि आवश्यक नभएकाले संघीयता खारेज गर्नुपर्ने उनको भनाइ छ।
