धनगढी –श्रीकृष्ण होलि समिति बोराडाँडीको होलि सुरु भएको छ ।
५ दिनसम्म खेलिँदै आएको श्रीकृष्ण होलि समिति बोराडाँडी-४, धनगढीको होलि सोमबार फाल्गुण शुल्क एकादशीका दिनबाट सुरु भएको हो ।
डडेल्धुराको भागेश्वर गाउँपालिकाको रुपाल क्षेत्रबाट आएका स्थानीयहरुले २०६१ सालदेखि सुरु गरेको रुपाल होलि समितिको केही वर्षपछि डडेल्धुराका सबै क्षेत्र र अन्य जिल्लाबाट आएर धनगढी बसोबास गरिरहेका सबैलाई समेट्ने गरि श्रीकृष्ण होलि समिति नामाकरण गरिएको समितिका सचीव सिद्धराज पनेरूले बताएका छन् ।
श्रीकृष्ण होलि समितिले धनगढीका विभिन्न स्थानमा होलि खेल्दै आइरहेको छ । साथै होलिबाट संकलन भएको रकमले धनगढीको भगवती टोलमा श्रीकृष्ण पिपल चौतारा, गौरा मन्दिर निर्माण गरिनुका साथै विभिन्न असहाय व्यक्तिलाई सहयोग गरिँदै आएको सचीव पनेरुले बताए ।
