धनगढी – आज देशभर विभिन्न कार्यक्रम गरी सहिद दिवस मनाइएको छ। यस्तै धनगढीमा पनि दशरथ चन्द बैतडी विद्यार्थी समाज कैलालीले भव्यताका साथ सहिद दिवस मनाएको विद्यार्थी समाजकी उपाध्यक्ष तथा कार्यकारी अध्यक्ष सरस्वती महराले जानकारी दिइन्।
विद्यार्थी समाजले धनगढीको सहिद गेटमा रहेको सहिद दशरथ चन्दको सालिकमा माल्यार्पण , दीप प्रज्वलन सँगै सहिद प्रति समर्पित रचना वाचन गरी सहिद दिवस मनाएको विद्यार्थी समाजकी सचिव करुणा चन्दले बताइन्।
आफुहरुको विद्यार्थी समाजको नाम करण समेत सहिदकै नामबाट नाम करण गरिएकाले पनि सहिद दिवस दशरथ चन्द बैतडी विद्यार्थी समाज कैलालीको लागि महत्वपूर्ण दिन भएकाले विगतदेखि नै सहिद दिवस मनाउँदै आएको विद्यार्थी समाजका निवर्तमान अध्यक्ष चेतन विक्रम चन्दले बताए।
सहिद दिवस मनाउन दशरथ चन्द बैतडी विद्यार्थी समाज कैलालीका वर्तमान पदाधिकारी , निवर्तमान पदाधिकारी लगायत शुभचिन्तकको उल्लेख्य उपस्थिति रहेको थियो।
