काठमाण्डौं –काठमाण्डौंमा आज यसवर्षको अहिलेसम्मकै कम तापक्रम मापन भएको छ ।
मौसम पूर्वानुमान महाशाखाका अनुसार बिहान पौने ६ बजे ३ दशमलव ४ डिग्री सेल्सियस तापक्रम मापन भएको छ । यो बैशाख पछिको कम तापक्रम हो । हिजो र अस्ति काठमाण्डौंको न्यूनतम तापक्रम ३ दशमलव ९ डिग्री सेल्सियस थियो ।
यसैबीच आज दिउँसो देशभरको मौसम सामान्यतया मौसम सफा रहने मौसमबिद्को अनुमान छ । पश्चिमी वायुको आंशिक प्रभावका कारण केही ठाउँमा केहीबेर सामान्य बदली रहे पनि सबैजसो ठाउँको मौसम सफा रहने मौसम पूर्वानुमान् महाशाखाले जनाएको छ ।
अहिले काठमाण्डौं उपत्यका र तराइका जिल्लामा हुस्सु र कुहिरो लागेको छ । आज राति देशभर मौसम मुख्यतया सफा रहने छ । यसैबीच आज चिसो झनै बढेको छ ।
