धनगढी – तेस्रो सुप इन्टरटेन्मेन्ट म्यूजिक अवार्ड २०८१ को सर्बोत्कृष्ट भाषाभाषी म्युजिक भिडियो छायांकन तर्फको अवार्ड दया शंकर चौधरीले हात पारेका छन् ।
सोमबार सुदूरपश्चिम प्रदेशका पुर्व मुख्यमन्त्री राजेन्द्रसिंह रावलको प्रमुख अतिथ्यतामा भएको एक समारोहकाबिच दया शंकर चौधरीलाई अवार्डद्वारा सम्मानित गरिएको हो ।
छायांकनको प्रतिस्पर्धामा चौधरीको “छाया बनके माया कर बसु” बोलको गीत सामेल गरिएको थियो । प्रतियोगितामा दर्शकहरुको भोटिङलाई बढी आधार मानेर सर्वोत्कृष्ट छनोट गरिएको थियो ।
विगत एक दशक देखि छायांकन क्षेत्रमा लागेका चौधरीले प्रथम सुप इन्टरटेन्मेन्ट म्यूजिक अवार्ड २०७९ र दास्रो सुप इन्टरटेन्मेन्ट म्यूजिक अवार्ड २०८० मा समेत छायांकन विधाबाट अवार्ड जित्न सफल भएका थिए ।
हाल कैलालीको धनगढी बस्दै आएका उनले यसअघि नेपाली, चौधरी, राना भाषाका गितहरुमा छायांकन तथा सम्पादन गर्द आएका थिए ।
