काठमाडौं :नेकपा माओवादी केन्द्रको पदाधिकारी बैठक शुरु भएको छ।
अध्यक्ष पुष्पकमल दाहाल ‘प्रचण्ड’को निवास खुमलटारमा बैठक बसिरहेको हो । बैठकमा स्थानीय तह उपनिर्वाचनको समीक्षा, पार्टीको केन्द्रीय समिति बैठकको तयारी, भ्रातृ संगठन अखिल क्रान्तिकारीको २३औँ राष्ट्रिय सम्मेलन लगायत विषयमा छलफल हुने प्रचण्डको सचिवालयले जानकारी दिएको छ।
त्यस्तै नन्दकिशोर पुन ‘पासाङ र अमिक शेरचनलाई उपाध्यक्ष बनाउने विषयमा पनि आजको बैठकमा छलफल हुने जनाइएको छ।
