काठमाडौँ : नेपाल क्रिकेट संघ (क्यान) ले नेपाल प्रिमियर लिग (एनपीएल) मा सहभागी हुने सबै ८ वटा फ्रेन्चाइज टोलीका मालिकहरुको नाम सार्वजनिक गरेको छ।
क्यानले आज (बिहीवार) जारी गरेको विज्ञप्तिअनुसार पोखराको स्वामित्व लिएको नेपाल टी-२० प्रालिले लिगका लागि सर्वाधिक ३ करोड ५७ लाख रुपैयाँमा फ्रेन्चाइज लिएको छ।
काठमाडौँको स्वामित्व रहेको कान्तिपुर पब्लिकेशन्सले फ्रेन्चाइजका लागि ३ करोड ३३ लाख ३३ हजार ३३९ रुपैयाँ खर्च गरेको छ।
जनकपुरको स्वामित्व रहेको ड्रिम्स स्पोर्ट्सले फ्रेन्चाइजका लागि २ करोड ५ लाख रुपैयाँ खर्च गरेको छ।
यसैगरी चितवनको स्वामित्व रहेको चितवन मेडिकल कलेजले १ करोड ७१ लाख १ हजार रुपैयाँ, विराटनगरको स्वामित्व रहेको एमएडी ड्रिम्स स्पोर्ट्सले १ करोड ५१ लाख रुपैयाँ, लुम्बिनीको स्वामित्व रहेको फर्टुना हेल्थ केयरले १ करोड ८६ लाख ४ रुपैयाँ खर्च गरेका छन्।
कर्णालीको स्वामित्व रहेको हिमालयन बिल्डर्सले १ करोड ११ लाख ७० हजार रुपैयाँ र सुदूरपश्चिमको स्वामित्व रहेको एम्पायर स्पोर्ट्सले १ करोड ६८ लाख ८८ हजार ८८८ रुपैयाँ फ्रेन्चाइजका लागि खर्च गरेका छन्।
सबै टोलीले बोल कबोलबाट फ्रेन्चाइज लिएका हुन्। एनपीएल आगामी मंसिर १५ गतेदेखि पुस ६ गतेसम्म हुनेछ।
