दार्चुला – दार्चुलाको दोस्रो ठूलो बजार गोकुलेश्वरबाट प्रहरीले खैरो हेरोइनसहित तीन जनालाई पक्राउ गरेको छ।
प्रहरीले शैल्यशिखर नगरपालिका–९ गोकुलेश्वरबाट बिरेन्द्र चन्द, जगदिश कोली र सुरज महरलाई खैरो हेरोइनसहित पक्राउ गरेको हो।
जिल्ला प्रहरी कार्यालयका सूचना अधिकारी ज्ञानेन्द्रबहादुर सिंहका अनुसार मोटरसाइकलमा सवार उनीहरु ९८० मिलिग्राम खैरो हेरोइनसहित पक्राउ परेका हुन्। यस विषयमा थप अनुसन्धान भइरहेको प्रहरीले जनाएको छ।
