धनगढी –डोटीमा मोटरसाइकल दुर्घटना हुँदा तीन जना घाइते भएका छन्।
जिल्लाको दीपायल सिलगढी नगरपालिका–६ थाप्लामा बुधवार दुई मोटरसाइकल आापसमा ठोकिएका हुन्।
प्रहरीका अनुसार घाइते हुनेमा बाजुराको बुढीगंगा नगरपालिका–६ का २० वर्षका सुवास बानिया, उनकी बहिनी १७ वर्षकी माया बानिया र दीपायल सिलगढी–६ बस्ने १८ वर्षका विकास खत्री रहेका छन्।
बाजुराबाट धनगढी आउदै गरेका बानियाँले चलाएको सुदूरपश्चिम प्रदेश ०१०१२ प ३५३३ नम्बरको मोटरसाइकल र खत्रीले चलाएको बागमती प्रदेश २०१९ प १३४१ नम्बरको मोटरसाइकल एक आपसमा ठोकिएका हुन्।
दुर्घटनामा घाइते भएकी मायाको जिल्ला अस्पताल डोटीमा उपचारपछि डिस्चार्ज भइसकेकी जिल्ला प्रहरी कार्यालय डोटीले बताएको छ।
सुवास र विकासको धनगढीस्थित सेती प्रादेशिक अस्पतालमा उपचार भइरहेको प्रहरीले बताएको छ।
