धनगढी –देशभर ३० जनामा हैजाको संक्रमण देखिएको छ।
स्वास्थ्य सेवा विभागअन्तर्गत इपिडिमियोलोजी तथा रोग नियन्त्रण महाशाखा (इडिसिडी)ले दिएको जानकारीअनुसार हैजाका बिरामीको संख्या बढिरहेका छन् ।
सबैभन्दा बढी ललितपुरमा १९ र काठमाडौँमा एक गरी उपत्यकामा २० जनामा हैजा पुष्टि भएको छ । यसैगरी कैलालीमा आठ र प्युठानमा दुई जनामा हैजा संक्रमण पुष्टि भएको छ।
हालसम्म हैजाबाट कसैको पनि मृत्यु भने भएको छैन ।
