वासिङटन ।अमेरिकाका पूर्वराष्ट्रपति एवं रिपब्लिकन पार्टीका तर्फबाट राष्ट्रपति पदका उमेदवार डोनाल्ड ट्रम्पले प्रतिस्पर्धीका विषयमा नस्लीय प्रश्न गरेका छन् ।
उनले डेमोर्क्र्याटिक पार्टीका तर्फबाट राष्ट्रपति पदका उमेदवार कमला ह्यारिसको नस्लीय पहिचानबारे प्रश्न गरेका हुन् ।
काला जातिका पत्रकारहरूको एक सम्मेलनमा बुधबार ट्रम्पले कमला काला जाति कि भारतीय हुन् रु भन्दै प्रश्न गरे । कमलाले यसअघि आफूलाई एसियन–अमेरिकनको विरासतमा जोड दिँदै आएको उनले उल्लेख गरे । तर, अहिले काला जातिको भन्न थालेको ट्रम्पले बताए ।
ट्रम्पले भने, “अब उनी काला जातिकी बनेकी छन् ।”
बुधबार शिकागोमा नेसनल एसोसिएसन अफ ब्ल्याक जर्नलिस्टको सम्मेलनमा ट्रम्पले भने, “केही वर्षअघिसम्म उनी काला जातिको भएको मलाई थाहा थिएन । अब उनले आफूलाई काला जातिको व्यक्तिका रूपमा पेस गर्न चाहिरहेकी छन् । यसले गर्दा म जान्दिनँ, उनी भारतीय कि काला जातिकी हुन् ।”
जवाफस्वरूप कमलाले ट्रम्पको भनाइ पुरानो जमानाको विभाजनकारी र अपमानजनक व्यवहार भएको बताएकी छन् ।
कमलाकी आमा भारतीय र बाबु जमैकाका हुन् । उनको जन्म भने अमेरिकामा भएको हो । बीबीसीबाट
