धनगढी – धनगढीमा प्रलेस कैलालीको आयोजनामा स्रष्टा सृजना प्रस्तुति कार्यक्रम गरिएको छ ।
आज शनिबार प्रगतिशील लेखक संघ कैलालीको आयाेजनामा नयाँ प्रतिभा खाेजका लागि स्रष्टा सृजना प्रस्तुति कार्यक्रम गरिएको हो ।
प्रलेसका कैलालीका जिल्ला संयाेजक ओमप्रकाश पुनको अध्यक्षतामा प्रदेश सभा सदस्य तथा कवि शिव सिंह ओलीको प्रमुख आतिथ्यता रहेको थियो ।
त्यस्तै संघका सचिव तेजराज कापडी ‘रियल एनालाइसिस तेज’ले सञ्चालन गरेको उक्त कार्यक्रममा संघका जिल्ला सदस्य उर्मिला न्यौपाने स्वागत मन्तव्य राखेकी थिइन् ।
कार्यक्रममा विभिन्न साहित्यकार तथा बुद्धिजीवीहरुकाे उपस्थिति रहेको थियोे ।
यस्तै कार्यक्रममा प्रमुख अतिथि, बिशिस्ट अतिथि र अतिथि लगायत ३५ जना स्रष्टाले कविता, जगल, मुक्तक र गीत वाचन तथा साहित्य विमर्श विशेष मन्तव्य राखेका थिए ।
उक्त कार्यक्रममा साहित्यकार जनक रसिकले समग्र कार्यक्रमकाे समालोचना र जगदीश ओझाले प्रलेस सुपकाे मुखपत्र ह्याँककाे विमर्श गरेका थिए । संघले सडक कविता कार्यक्रम राख्न सुझाव पनि उपस्थिति स्रष्टाहरुले सुझाव पनि दिएका छन् ।
प्रगतिशील लेखक संघ कैलालीको नयाँ प्रतिभा खाेजका लागि स्रष्टा सृजना कार्यक्रम जिल्लाव्यापी अभियान अन्तरगतकाे याे दाेस्राे सत्र हो । यसलाई अझै व्यापक र बिस्तार गर्ने निर्णय संघले लिएको छ ।
