धनगढी –धनगढीको एसपीए क्याम्पसले आयोजना गरेको वक्तृत्वकला प्रतियोगितामा राईजिङ स्टार इङ्ग्लिस बोर्डिङ स्कुलकी तृप्ती सिंह प्रथम भएकी छिन् ।
‘लागूपदार्थ नियन्त्रणमा विद्यार्थीको भूमिका’ शीर्षकमा भएको उक्त प्रतियोगितामा तृप्ती प्रथम भएकी हुन् ।
प्रतियोगितामा पाँच विद्यालयबाट दुई/दुई जना गरी जम्मा १० जना सहभागी रहेका थिए ।
प्रतियोगितामा क्रमशः तृप्ति सिंह प्रथम (राईजिङ स्टार), अनुप राज गरी दोस्रो (डिस्कोभरी) र मधु शर्मा तृतीय (एक्सीस) भएका छन् ।
वर्तमान समयमा लागूपदार्थको कारणले थुप्रै युवा-युवतीहरूको भविष्य अन्धकार भइरहेको र समाजमा समेत नराम्रो असर परिरहेको परिप्रेक्षमा लागूपदार्थ सम्बन्धी विद्यार्थीहरूमा चेतना जगाउने उद्देश्यले ‘लागूपदार्थ नियन्त्रणमा विद्यार्थीको भूमिका’ शीर्षकमा उक्त प्रतियोगितामा गरिएको क्याम्पसले जनाएको छ ।
