धनगढी – धनगढीमा मोटरसाइकल दुर्घटनामा परी एक जनाको मृत्यु भएको छ । धनगढी उपमहानगरपालिका –१८ फूलबारीमा हसुलियातर्फ जाँदै गरेको से ३ प ५६९५ नम्बरको मोटरसाइकल अनियन्त्रित भएर नालीमा खसेको थियो ।
दुर्घटनामा गम्भीर घाइते भएका चालक कैलारी गाउँपालिका –१ का ३३ वर्षीय कृष्ण चौधरीको शनिबार बिहान उपचारका क्रममा सेती प्रादेशिक अस्पतालमा मृत्यु भएको जिल्ला प्रहरी कार्यालय कैलालीले जनाएको छ ।
मृतक चौधरीको पोस्टमार्टमपछि शव परिवारले बुझिसकेको छ । मोटरसाइकलको पछाडि सवार सोही स्थानका २८ वर्षीय यादव चौधरी सामान्य घाइते भएका छन् । घाइते चौधरीको उपचार भइरहेको प्रहरीले जनाएको छ ।
