काठमाण्डौ –नेपाली कांग्रेसका नेता एवम् काठमाण्डौ मेडिकल कलेजका सञ्चालक डा. सुनिल शर्माले आईसीसी टी–२० विश्वकपको सुपर आठमा नेपाली क्रिकेट टोली पुगेमा टोलीलाई २० लाख रुपैयाँ दिने घोषणा गरे ।
नेपाल क्रिकेट सङ्घ (क्यान)ले आयाेजना गरेकाे विश्वकप खेल्न जाने खेलाडीको बिदाइ कार्यक्रममा आज नेता शर्माले क्रिकेट टोलीको परिवारसहितको उपचारको जिम्मा पनि आफूहरुले लिएको जानकारी दिए ।
दुई वर्षको लागि क्यानसँग खेलाडी र उनीहरुको परिवारको उपचारका लागि काठमाण्डौ मेडिकल कलेजले सम्झौता गरेको उनले बताए।
सम्झौता सकिएपछि फेरि नविकरण गर्ने समेत जानकारी दिए। साथै खेलाडीहरुको व्यवस्थापन र खेलाडीले सन्यास लिए पछि पनि आर्थिक रूपमा सबल बनाउनुपर्नेमा सरकारसँग माग गरे।
