बैतडी – बैतडी घर भएका एक युवक काठमाण्डौंमा मृत फेला परेका छन् । जिल्लाको पुर्चौंडी नगरपालिका वडा नं–८ मल्लादेही घर भएका २२ बर्षीय गोविन्द बोहरा मृत फेला परेका हुन् ।
यही असार १५ गते साथीसंग पशुपति क्षेत्रमा घुम्न गएका बोहरा मृत फेला परेका हुन् । साथीसंग घुम्न गएका बोहरा साँझसम्म पनि कोठामा नआएपछि उनका आफन्तले खोजी गरेका थिए ।
प्रहरीले नदीमा शव फेला पारी अस्पतालमा राखेको र शव हेर्दा बोहराको भएको बुझिएको स्थानीय निराजन बोहराले बताए । शव चिन्न सक्ने अवस्थामा नरहेको भएपनि गोविन्दले लगाएका लुगा र जुत्ताको आधारमा शवको पहिचान भएको उनले बताए । काठमाण्डौं प्रहरीले घटनाको अनुसन्धान गरिरहेको छ ।
