[ad_1]
स्पोर्ट्स एकेडेमी साँगाले सहिद स्मारक ‘सी’ लिगमा सानेपा क्लबलाई पराजित गरेको छ। सातदोबाटोस्थित एन्फा कम्प्लेक्समा सोमबार सम्पन्न खेलमा सानेपालाई साँगाले २–१ ले पराजित गरेको हो।
जितसँगै १० खेल खेलेको साँगा १५ अंक जोड्दै पाँचौँ स्थानमा उक्लिएको छ। पराजित सानेपा समान खेलबाट ११ अंक जोड्दै १०औँ स्थानमा झरेको छ।साँगाको जितमा गमबहादुर मगर र विकास परियारले गोल गरे। सानेपाका नीराजनजंग शाहीले गरेको गोल सान्त्वना बन्यो। खेलको १७औँ मिनेटमा गमको गोलमार्फत साँगाले सुरूआती अग्रता लिएको थियो। विकासले डी बक्सबाहिरबाट निकालेको थु्र पासलाई कनेक्ट गर्दै उनले गोलमा परिणत गरे।
पहिलो हाफको निर्धारित समय सकिन एक मिनेट बाँकी रहँदा विकासले गोल गर्दै साँगाको अग्रता दोब्बर बनाए। स्यामुयल सुनारले डी बक्सभित्रबाट गरेको प्रहारलाई सानेपाका गोलरक्षक रुविन बोगटीले जोगाए। तर, रिबाउन्डमा अनमार्कमा रहेका विकासले सहजै गोल गरे। दोस्रो हाफको इन्जुरी समयको चौथो मिनेटमा नीराजनले सानेपाका लागि गोल गरे। स्यामुयलले आफ्नै साथीलाई दिएको बल नियन्त्रणमा लिँदै सन्देश भुजेलले नीराजनलाई पास दिएका थिए। उक्त पासलाई नियन्त्रणमा लिँदै उनले गोल गरेका थिए। त्यसपछि सानेपा खेलमा फर्किन सकेन।
सोमबार नै सम्पन्न अर्को खेलमा अन्तिम समयमा सुग्रित मगरले गोल गरेसँगै लिगको रेलिगेसन जोनमा रहेको स्वयम्भू क्लबलाई राहत मिलेको छ। खेलको १३औँ मिनेटमा मार्वल सुनारको गोलमार्फत खालीबारी युवा क्लबले सुरुआती अग्रता लिएको थियो। ओमनाथ थापा क्षत्रीले बललाई डी बक्सबाहिर गएर रिलिज गरेपछि रेफ्री उमेश बिडारीले खालीबारीलाई फ्रिकिक प्रदान गरेका थिए। डी बक्सनजिकबाट मार्वलले फ्रिककमार्फत प्रहार गरेको बलले सीधै जाली चुम्यो। तर, खालीबारीले उक्त अग्रता जोगाउन सकेन।
दोस्रो हाफको इन्जुरी समयको छैटौँ मिनेटमा सुग्रितले गोल गर्दै स्वयम्भूलाई महŒवपूर्ण अंक दिलाए। प्रकाश पुनले डी बक्सभित्रबाट दिएको बललाई सुग्रितले खालीबारीका डिफेन्डरलाई बिट गर्दै गोलमा परिणत गरेका थिए। योसँगै खालीबारीले छैटौँ स्थानमा उक्लिने मौका गुमाएको छ। १० खेलबाट ११ अंक जोडेको खालीबारी सानेपालाई गोल संख्यामा पछि पार्दै नवौँ स्थानमा उक्लिएको छ। समान खेलबाट ७ अंक जोडेको स्वयम्भू १३औँ स्थानमा छ।
प्रकाशित: १५ जेष्ठ २०८१ ०८:३७ मंगलबार
[ad_2]
Source link
