काठमाण्डौं –आईसीसी क्रिकेट विश्वकप लिग–टु एक दिवसीय शृङ्खला अन्तर्गत अहिले नेपाल र ओमान खेल्दैछन् ।
काठमाण्डौको कीर्तिपुर रङ्गशालामा नेपाल र ओमानबिचको खेल शुरु भएको हो । ओमानले टस जितेर पहिला ब्याटिङ थालेको छ ।
लिग–टु अन्तर्गत यसअघि भएको पहिलो खेलमा शनिबार नेपालले युएईलाई ३७ रनले हराएको थियो । नेपालले दिएको २०१ रनको लक्ष्य पछ्याएको युएई ४८ ओभर दुई बलमा १६३ रनमा अलआउट भएको थियो । अस्ति सोमबार भएको खेलमा युएईले ओमानलाई २५ रनले हराएको थियो ।
यो शृङ्खलामा नेपाल, युएई र ओमान सहभागी छन् । नेपाल आठ टोली सहभागी लिग–टु मा २१ खेलबाट १४ अङ्कका साथ तालिकाको सातौँ स्थानमा छ । ओमान २५ खेलमा २९ अङ्कसहित तेस्रो र युएई २२ खेलमा १२ अङ्कसहित पुछारमा छ ।
अहिले खेलिरहेका तीन वटै टोलीले एक आपसमा दुईरदुई खेल खेल्नेछन् ।
