काठमाण्डौँ : बारामा स्थानीय प्रशासन र जेनजी प्रतिनिधिबीच वार्ता सुरु भएको छ।
बाराका सहायक प्रमुख जिल्ला अधिकारी छविरमण भट्टराईले अहिले पथलैयाको सशस्त्र प्रहरी गणमा दुवै पक्षबीच वार्ता जारी रहेको थाहाखबरलाई जानकारी दिए। उनले एक घण्टादेखि वार्ता जारी रहेको पनि बताए।
उक्त बैठकमा जेनजीका तर्फबाट सम्राट उपाध्याय, कपिल खरेल र कुर्णाल गिरीलगायतको उपस्थिति रहेको छ। यसैगरी सरकारी तहबाट प्रमुख जिल्ला अधिकारी धर्मेन्द्रकुमार मिश्रलगायत वार्तामा सहभागी छन्।
वार्ता बुधवारदेखि तनाव त्यसको समाधानमा केन्द्रीत छ। बुधवार एमाले नेता महेश बस्नेतलगायत बारा जाने भएपछि जेनजीले उनको विरोधमा प्रदर्शन गर्दा स्थिति असहज बनेको थियो।
सो क्रममा एमालेका कार्यकर्ताले जेनजी प्रतिनिधिलाई कुटपीट गरेको भन्दै हिजो दोस्रो दिन पनि आन्दोलन गरेको थिए। यसरी कुटपीटको आरोपमा तीनजनालाई प्रहरीले पक्राउ गरेको छ।
