धनगढी – धनगढीको शारदा माध्यमिक विद्यालयमा पूर्व विद्यार्थी स्वागत कार्यक्रम गरिएको छ।
आज कार्तिक २९ गते शनिबार पूर्वविद्यार्थी स्वागत कार्यक्रम–२०८२ भव्य रूपमा सम्पन्न गरिएको हो।
धनगढी-२, बैयाबेहडीमा २०३२ सालमा स्थापना भएको शारदा माविले यस वर्ष स्थापनाको ५० वर्ष पूरा हुँदै गरेकाले सुवर्ण जयन्ती भव्य रूपमा मनाइने विद्यालयका प्रधानाध्यापक तेजबहादुर सिंहले जानकारी गराएका छन्।
आज भएको स्वागत कार्यक्रमबाट विद्यालयका पूर्व विद्यार्थी ध्रुवराज ओझाको अध्यक्षतामा पूर्व विद्यार्थी समाज तदर्थ समिति गठन भएको छ।
कार्यक्रममा विद्यालयका पूर्व प्रधानाध्यापक, पूर्व शिक्षक, तथा विभिन्न ब्याचका पूर्वविद्यार्थीहरूको उपस्थिति रहेको थियो।
कार्यक्रममा बोल्दै विद्यालयका प्रधानाध्यापक तेजबहादुर सिंहले विद्यालयले आफ्नो ५० वर्षको यात्रालाई महत्त्वपूर्ण मान्दै यस वर्ष “सुवर्ण जयन्ती वर्ष” मनाउन लागेकाले सम्पूर्णलाई सहयोगका लागि अपेक्षा गरेका छन्।
