काठमाण्डौँ :नेकपा (माओवादी केन्द्र)की सांसद रेनु चन्दले लिपुलेक विवाद चर्किए कमिला रूपी नेपाली हात्ती रूपी भारतसँग लड्न तयार भएको बताएकी छन्।
राष्ट्रियसभाको शुक्रवारको बैठकमा बोल्दै सांसद चन्दले यस्तो बताएकी हुन्। उनले हात्तीसँग लड्न परे पनि आफूहरू लड्न तयार रहेको बताइन्। हात्ती रूपी भारतसँग लड्न कमिला रूपी नेपालीहरू तयार रहेको उनको भनाइ छ।
सबै राष्ट्रिय शक्तिहरू मिलेर कूटनीतिक पहल गर्नुपर्ने उनको भनाइ छ। सुदूरपश्चिमका जनतालाई धेरै समस्या परिरहेको भन्दै आफू पनि जनयुद्धकालीन तालिमप्राप्त व्यक्ति भएको बताइन्।
चन्दले भनिन्, ‘हामी हात्तीसँग लड्न परे पनि लडौँला। हात्तीसे लड्जायेगी चिटीकी टोली। तयारी गर्नुस्। म त जनयुद्ध लडेकी मान्छे हुँ, ट्रेनिङ प्राप्त छु भन्ने पनि सरकारलाई जानकारी गराउन चाहन्छु। यद्यपि मैले यस्तो कुरा गर्दा आइज दुई दुई हात गरिहालौँ भन्न खोजेको होइन। मूल जरो त कूटनीतिक पहल नै हो।’
सांसद चन्दले सीमा क्षेत्रमा नेपालीहरूको अवस्था नाजुक रहेको बताइन्।
