धनगढी :सुदूरपश्चिम प्रदेश सभाको बैठक भोलि बस्ने भएको छ। आधा महिनाभन्दा बढी समयपछि प्रदेश सभाको बैठक बिहिवार बस्न लागेको हो।
मुख्यमन्त्री कमलबहादुर शाहले साउन १५ गते विश्वासको मत लिएपछि प्रदेश सभाको बैठक स्थगित भएको थियो। प्रदेश सभा सचिवालयले दिनको ४ बजे सभाको बैठक बोलाएको छ। बिहीवार बस्ने प्रदेशसभा बैठकमा दुई वटा विषयवस्तु कार्यसूचीमा रहेको जनाइएको छ। बैठकमा केही उद्योग तथा वनसम्बन्धी ऐनलाई संशोधन गर्न बनेको विधेयकमाथि सदनमा सामान्य छलफल हुने प्रदेश सभा सचिवालयका प्रवक्ता एवम् उपसचिव (कानुन) तेजप्रकाश जोशीले बताए।
यसैगरी, दलित सशक्तीकरण ऐन, २०७८ लाई संशोधन गर्न बनेको विधेयक सदनमा टेबुल हुने कार्यसूची रहेको उनले बताए।
