काठमाण्डौं :प्रतिनिधिसभाको शिक्षा, स्वास्थ्य तथा सूचना प्रविधिको समितिको बैठक दिउँसो १ बजे बस्ने भएको छ।
समितिको आज(आइतबार) दिउँसो १ बजे बैठक बस्ने कार्यसूची छ।
उक्त बैठकमा शिक्षा विधेयक र टुंगिन बाँकी रहेको विषयमाथि छलफल हुने कार्यसूची रहेको समितिले जनाएको छ।
शिक्षक पदपूर्ति विषयमा सहमति हुन बाँकी छ। समितिले यसअघि शिक्षक पदपूर्ति गर्दा आन्तरिक प्रतिस्पर्धाबाट ६० र खुलाबाट ४० प्रतिशत गर्ने गरी सहमति जुटाएको थियो। तर,नेपाल शिक्षक महासंघले भने ७५ प्रतिशत आन्तरिक प्रतिस्पर्धाबाट र २५ प्रतिशत खुलाबाट पदपूर्ति गर्नुपर्ने अडान राख्दै आइरहेको छ। जसकारण समितिबाट विधेयक पारित हुन सकेको छैन।
सहमति नजुटेपछि नेपाली कांग्रेसका प्रमुख सचेतक श्याम घिमिरे र शिक्षा,विज्ञान तथा प्रविधिमन्त्री रघुजी पन्तको प्रस्तावमा असार १७ गते अनिश्चित कालका लागि विधेयक स्थगित गरिएको थियो।
