काठमाण्डौं –गाडी चालक अनुमतिपत्र प्रणालीमा समस्या आएपछि सबै सेवा बन्द भएको छ ।
यातायात व्यवस्था विभागले सूचना निकालेर सवारी चालक अनुमतिपत्र प्रणालीमा समस्या आएकोले बन्द गरेको जानकारी गराएको हो ।
ईडीएल प्रणाली, अनलाइन आवेदन प्रणाली तथा अत्यावश्यक लाइसेन्स प्रणालीलगायत चालक अनुमतिपत्रसँग सम्बन्धित सबै सेवाहरू बन्द भएका विभागको सूचनामा उल्लेख छ ।
विभागले समस्याको समाधान गर्ने काम भइरहेको भन्दै हुँदा अर्को सूचना प्रकाशन नहुँदासम्मका लागि चालक अनुमतिपत्रसँग सम्बन्धित सबै सेवाहरू बन्द रहने जनाएको छ ।
