काठमाण्डौं –राष्ट्रिय चिकित्सक सङ्घ नेपालले सबै मेडिकल कलेज र सम्बन्धित संस्थालाई चिकित्सा शिक्षाको गुणस्तर सुधार गर्न नौबुँदे अपिल जारी गरेको छ ।
सङ्घले चिकित्सा शिक्षा गम्भीर सङ्कटमा परेको भन्दै यसको असर स्वास्थ्य क्षेत्रमा पर्न सक्ने चिन्ता व्यक्त गरेको छ ।
अपिलमा शिक्षा, स्वास्थ्य तथा नियामक निकायहरू, मेडिकल कलेज, प्राध्यापक, आवासीय डाक्टर, अभिभावक र सरकारले जिम्मेवारीपूर्वक भूमिका खेल्नुपर्नेमा जोड दिइएको छ ।
अनुसन्धान र पेशागत विकासका अवसर दिनु, आवासीय चिकित्सकलाई आठौं तह अनुसार भत्ता दिनु, मानसिक स्वास्थ्य परामर्श सेवा र स्वास्थ्य बीमा योजना लागू गर्नुपर्ने माग गरिएका छन् ।
सङ्घले सबै सरोकारवालालाई चिकित्सा शिक्षा सुधार र स्वास्थ्य सेवा विकासमा एकजुट हुन आग्रह गरेको छ । रासस
