धनगढी :प्रतिपक्षी दलहरू संसद अवरोधको विषयमा छलफलमा जुटेका छन् ।
भिजिट भिसा प्रकरणमा गृहमन्त्री रमेश लेखकले राजीनामा मागेर विपक्षी दलहरूले संसद अवरुद्ध पार्दै आएका छन् ।
संसदको अवरोध खुलाउन सत्तारुढ दल नेपाली कांग्रेसले मध्यमार्गी प्रस्ताव अघि सारेको छ । उक्त प्रस्तावको पनि विपक्षीबाट विरोध भएपछि कसरी जाने भनेर छलफलमा जुटेका छन् ।
विपक्षीहरूले कांग्रेसको प्रस्तावका बारेमा पनि छलफल हुने बताइएको छ । कांग्रेस नेताहरू भने माओवादी र एकीकृत समाजवादी सदनको अवरोध खुलाउन सकारात्मक रहेकाले आज अवरोध हट्ने बताउँछन् ।
माओवादी र एकीकृत समाजवादी कांग्रेसको प्रस्तावमा सकारात्मक देखिए पनि राष्ट्रिय स्वतन्त्र पार्टीले भने गृहमन्त्री रमेश लेखकमाथि अहिले नै छानबिन हुनुपर्ने अडान राखेपछि कांग्रेसले राखेको प्रस्तावमा सहमति हुन सकेको छैन ।
