काठमाण्डौं –प्रमुख प्रतिपक्षी नेकपा माओवादी केन्द्रले दुई सातादेखि जारी सदनको गतिरोध अन्त्य गर्न अधिकतम् प्रयास गर्ने निर्णय गरेको छ ।
पार्टी अध्यक्ष पुष्पकमल दाहाल प्रचण्ड निवास खुमलटारमा बिहीबार बसेको माओवादी पदाधिकारी बैठकले भिजिट भिसा प्रकरणलाई दिएर लामो समयदेखि भइरहेको सदनको गतिरोध अन्त्यका लागि जिम्मेवार प्रतिपक्षीको हैसियतले अधिकतम् पहल गर्ने निर्णय गरेको हो
माओवादी प्रवक्ता अग्नि सापकोटाले बैठकपछि बोल्दै भिजिट भिसा प्रकरणमा व्यक्ति विषेशमा ध्यान नरहेको बताए । उनले छानबिन भने अपरिहार्य रहेको पार्टीको निष्कर्ष रहेको बताएका छन् ।
यस विषयमा विपक्षी दलका साथै सत्तापक्षी दलहरूसँग छलफल गर्ने उनले जानकारी दिएका छन् । त्यस्तै बैठकले योङ कम्युनिस्ट लिग (वाईसीएल) को नेतृत्व सहमतिमै चयन गर्ने निर्णय गरेको सापकोटाले बताएका छन् ।
सापकोटाले आफूविरूद्धको द्वन्द्वकालीन मुद्दामा पुनःछानबिन गर्न सर्वोच्च अदालतले बुधबार दिएको आदेशको पूर्णपाठ आएपछि धारणा बनाउने उल्लेख गरेका छन् । यस विषयमा बाहिर भइरहेकाका प्रचारमा कुनै सत्यता नरहेको पनि उनले जिकिर गरेका छन् ।
